Trupat e 28 personave që u qëlluan për vdekje janë gjetur në qytetin veriperëndimor të Burkina Fasos, Nouna, ka deklaruar qeveria.
Një grup i shoqërisë civile për vrasjet i fajësoi disa civil të armatosur që pretendonin se ishin anëtarë të një nisme vullnetare të mbështetur nga qeveria që thuhet se luftonte xhihadistët.
Qeveria nuk e komentoi pretendimin, por tha se është duke e hetuar rastin, dhe deklaroi se trupat u gjetën më 30 dhe 31 dhjetor.
“Incidenti kishte ndodhur në një kohë kur qeveria kishte iniciuar “mobilizimin e të gjithë popullit për unitet në luftën kundër terrorizmit”, thuhet në njoftimin e qeverisë.
Burkina Faso është goditur nga një kryengritje dhjetëvjeçare që ka zhvendosur nga vendi gati dy milionë njerëz.
Ushtria mori pushtetin në Burkina Faso janarin e vitit të kaluar, duke premtuar një përfundim të sulmeve, por dhuna vazhdon ende, shkruan BBC.
/Klankosova.tv/
