Kjo kullë e ndërtuar rreth vitit 1900, është kulla më e madhe në Kosovë për nga sipërfaqja. E ndërtuar me gurë në katin e parë dhe dy katet e sipërme me tjegulla i japin kësaj kulle pamjen dhe veçantinë e kullës së qytetit të Gjakovës. Në shekullin e XIX kjo kullë ka qenë pjesë e kompleksit të ashtëquajtur “Bregu i Sarajit” e cila ka pasur përballë edhe tri kulla të tjera të cilat janë shkatërruar nga lufta ballkanike, e njëra ndër to ishte edhe Sahat Kulla e ndërtuar tash së fundmi. Tashmë pas kaq vitesh kjo kullë tani është duke pritur të restaurohet për të cilën na foli edhe drejtori i regjionit të Gjakovës për trashëgimi kulturore, Osman Gojani.
Çatia kohë më parë është restauruar, e tani pritet që kjo kullë të restaurohet në tërësi.
Familja Kryeziu trashëgimtare e kësaj kulle e cila edhe sot jeton këtu, e ka ruajtur ndër vite me fanatizëm edhe gjënë më të vogël të kësaj shtëpie, e cila ka qenë jo e lehtë dhe e kushtueshme.
Kujtojmë se ky objekt është monument i trashëgimisë tonë kulturore i kategorisë arkitekturore e cila është marrë si aset nën mbrojtje që nga tetori i vitit 2012.
