Edon Zhegrova po kalon formën më të mirë prej se u transferua te Baseli në Zvicër.
22-vjeçari e mbylli sezonin me 30 paraqitje në elitë duke shënuar 3 gola në 7 ndeshjet e fundit.
Ai ka qenë në dispozicion për tu grumbulluar me ekipin kombëtar të Kosovës, por përzgjedhësi Bernard Challandes nuk e ka ftuar fare.
Ende nuk dihet arsyeja pse selektori zviceran e ka marrë këtë vendim.
Zhegrova në një komunikatë tha se:
“Trajnerat shkojnë e vijnë. Për mua nuk është me rëndësi a më fton apo jo. Mua më rreh zemra për Kosovën. Gjithmonë do ta jap maksimumin. E di potencialin dhe talentin që e kam. Në të ardhmen kemi me arritë shumë me përfaqësuesen e Kosovës. Besoj që ka disa njerëz në FFK që mundohen me më përfaqësu keq të publiku. Familja, shoqëria, rrethi më kanë ndihmu shumë në këtë aspekt, më kanë përkrahë. Nuk e di pse ka ndodhë kjo”.
