Manchester United përgatit 48 milionë euro për yllin e Napolit

Manchester United thuhet se dëshiron të aktivizojë klauzolën e lirimit prej 48 milionë eurosh të Kim Min-jae të Napoli-t. Kjo vjen pavarësisht hezitimit publik të mbrojtësit për t’u angazhuar me ndonjë lidhje transferimi.

Kim iu bashkua Napoli-t verën e kaluar nga Fenerbahce dhe është bërë një pjesë kyçe e mbrojtjes në skuadrën e Luciano Spaletti-t.

Skuadra italiane aktualisht është në krye të Serie A me 15 pikë larg vendit të dytë pas 23 ndeshjesh dhe është në rrugën e duhur për të ngritur Scudetto-n për herë të parë që kur Diego Maradona i udhëhoqi ata drejt lavdisë në vitin 1990.

Kim, i cili gjithashtu ndihmoi Korenë e Jugut të arrinte në fazën e 16-të të fundit të Kupës së Botës në Katar, është paraqitur në 22 ndeshje në ligë.

Ai gjithashtu filloi të gjashta ndeshjet e fazës së grupeve të Champions League ndërsa Napoli kryesoi grupin. Ai luajti edhe 90 minuta në fitoren 2-0 ndaj Eintracht Frankfurt në ndeshjen e parë të raundit të 16-të.

Duke folur përpara ndeshjes me Roma-n muajin e kaluar, Jose Mourinho zbuloi se “Doja të nënshkruaja me Kim Min-Jae kur isha në Tottenham. Kisha disa telefonata në FaceTime me të”.

“Oferta jonë ishte 5 milionë euro, (Beijing Guoan) donte 10 milionë euro (11 milionë dollarë) për Kim dhe për Tottenham, kjo nuk ishte e mundur në atë moment. Tani shikoni Kim dhe nivelin e tij, ai është një lojtar i mirë”, theksoi portugezi.

United i interesuar për Kim

Sipas gazetës italiane “Correire dello Sport”, United dëshiron të aktivizojë klauzolën e lirimit prej 48 milionë eurosh.

“Tuttomercatoweb” pretendoi në tetor se kjo klauzolë është e vlefshme vetëm për një periudhë prej 15 ditësh në verë, kështu që skuadra e Erik ten Hag do të duhet të veprojë brenda asaj hapësire nëse duan të nënshkruajnë lojtarin për një çmim të tillë.

Megjithatë, shtohet gjithashtu se Napoli është i prirur të rinovojë mbrojtësin në kushte të reja, duke pasur parasysh fillimin e tij mbresëlënës në Itali.

Duke folur në fillim të këtij sezoni, Kim pranoi se ai nuk i kushtoi vëmendje raporteve që e lidhnin atë me klube të tjera, duke thënë se ata e “shqetësonin” atë. /Albanianpost.com