Banorët e këtushëm prapa kamerave u shprehën se janë të vetëdijshëm për rrezikun që paraqesin këto lodra për fëmijët e tyre, por që ky është i vetmi ambient argëtimi, ndonëse nuk e mohojnë se edhe vet duhet të tregohen të kujdesshëm në mirëmbajtjen e parkut.
Nga Drejtoria për Shërbime Publike në komunën e Gjakovës përmes e-mailit, është përgjigjur Lekë Sina.
Sa i përket lodrave të parkut “Rinia”( në afërsi të garazhës së autobusëve), do të shohim mundësinë që përmes kontratave për mirëmbajtje të bëjmë sanimin e tyre.
Ne do të përcjellim gjendjen e parkut në vazhdimësi deri në përmirësimin dhe sigurimin e kushteve më të mira për lojë dhe qëndrim në këtë park për banorët.
