Përfaqësuesja e Kosovës në futboll do të jetë pa mbrojtësin e majtë, Leart Paqarada në ndeshjet ndaj Lituanisë dhe Qipros.
FFK-ja ka njoftuar të enjten paradite, që Paqarada është liruar nga grumbullimi dhe është kthyer në Gjermani. Ai është pjesë e Koelnit, ndërsa së fundi kaloi formë të lartë.
Por në dy ditët e kaluara Paqarada ushtroi i ndarë nga grupi. Dhe pas kontrollimeve mjekësore u vendos që të kthehet në klub për trajtim të mëtejmë.
Kosova të shtunën luan ndaj Lituanisë e pas tre ditëve kundër Qipros. /KOHA.net/
