Aksidentohet një kamion me një veturë në Gjakovë, lëndohet një person
Një person ka vdekur si pasojë e një aksidenti që ka ndodhur të enjten në Gjakovë.
Sipas njoftimit të Policisë së Kosovës, deri te aksidenti ka ardhur pasi një veturë ka shkaktuar aksident me një autoambulancë e cila ka qenë duke i transportuar disa persona të lënduar nga një vetaksident.
Nga zëdhënësi i Policisë në Drejtorinë Rajonale të Policisë në Gjakovë, Sheremet Elezaj, për TV SYYRI është bërë e ditur se rreth orës 01:35 është pranuar informacioni nga QKUK, se njëri nga viktimat e përfshira në aksident ka ndërruar jetë.
Elezaj ndër të tjera ka bërë të ditur se viktima në fjalë është mashkull (S.GJ), i lindur në vitin 1989.
“Si pasojë e aksidentit pesë persona të gjithë meshkuj kosovarë kanë pësuar lëndime trupore për të cilat kanë pranuar tretman mjekësor, ndërsa njëri nga të lënduarit ka vdekur, me vendim të prokurorit trupi i pajetë është dërguar në IML për obduksion, kurse i dyshuari që ka shkaktuar aksidentin me vendim të prokurorit, është dërguar në mbajtje”, thuhet në njoftim.