Rënia e turizmit për shkak të pandemisë shkaktoi humbjen e 1.6 milionë vendeve të punës në pesë vende aziatike, sipas Organizatës Ndërkombëtare të Punës (ILO).
Filipinet, Vietnami, Tajlanda, Brunei dhe Mongolia u përballën me thuajse një të tretën e vendeve të humbura të punës në sektorin e turizmit, sipas një raporti të publikuar nga agjencia e Kombeve të Bashkuara të enjten, njofton Klan Kosova.
Humbjet e vendeve të punës në turizëm ishin katër herë më të mëdha se humbjet në industri të tjera, sipas raportit, ku gratë u prekën më së shumti, shkruan Al Jazeera.
Chihoko Asada-Miyakawa, drejtor rajonal i ILO-s për Azinë dhe Paqësorin, tha se ndikimi i COVID-19 në turizmin e këtij rajoni ishte katastrofik.
/KlanKosova/
