Profesori amerikan dhe eksperti për çështjet e Ballkanit Perëndimor, Alon Ben Meir ka kërkuar nga Bashkimi Evropian dhe Shtetet e Bashkuara të Amerikës që të nisin bisedimet me kryeministrin e Kosovës, Albin Kurti dhe presidentin e Serbisë Aleksandër Vuçiç për të përmirësuar situatën në Veri.
Përmes një postimi në rrjetin social “Twitter”, Ben Meir ka thënë se për situatën në Veri duhet të gjendet një zgjidhje e përhershme.
“BE dhe SHBA duhet të mendojnë dhe të fillojnë bisedën me Kurtin dhe Vuçiçin për një zgjidhje të përhershme, e cila mund të kërkojë që pjesa veriore e Kosovës me shumicë serbe të ketë autonomi të plotë, por të mbetet pjesë integrale e territorit të Kosovës”, ka shkruar ai. /Albanianpost.com
