Ballkani Perëndimor përballet me një thatësirë të rëndë pasi një valë e të nxehtit goditi rajonin, duke ndërprerë jetën e përditshme dhe duke krijuar probleme me bujqësinë dhe energjinë.
Temperaturat të enjten në Shqipërinë qendrore arritën në 40 gradë Celsius dhe meteorologët paralajmëruan se do të kishte shira të pakta deri në shtator.
Lumenjtë janë pothuajse të thatë për shkak të mungesës së reshjeve gjatë dimrit dhe pranverës.
Temperaturat e larta i kanë shtyrë autoritetet shqiptare të ndihmojnë bujqësinë lokale me rrjetet e ujitjes.
Një projekt për të marrë ujë nga lumi Mat verior për të ndihmuar rreth 4,000 hektarë (9,885 akra) tokë bujqësore në zonë përfundoi të martën.
Gjithashtu ka pasur një ndikim negativ në prodhimin e energjisë në Shqipëri, i cili vjen kryesisht nga hidrocentralet në veri të vendit.
Korporata kombëtare e energjisë shpenzoi deri në 60 milionë euro (70 milionë dollarë) për të importuar energji në gjysmën e parë të këtij viti.
Instituti shtetëror meteorologjik i Serbisë ka paralajmëruar se “thatësira ekstreme” po ndikon në të korrat e vendit, ndërsa nivelet e ujit në lumenj dhe liqene kanë rënë.
Qytetet dhe fshatrat e vogla në të gjithë Serbinë përballen gjithashtu me kufizime në ujin e pijshëm.
Në Kosovë, mungesa e ujit mbylli një pishinë të hapur në kryeqytetin e Prishtines, e cila përdorej nga njerëzit për t’u freskuar në vapën e verës.
Pishina e Gërmisë në periferi të qytetit u ndërtua në fund të viteve 1980 si një destinacion rekreativ dhe konsiderohet si një nga më të mëdhatë në kontinent. Në këtë kohë vitin e kaluar, pishina kishte midis 4 mijë dhe 5 mijë vizitorë çdo ditë.
Parku i Gërmisë, i njohur për bukurinë e tij natyrore dhe rekreacionin, ndodhet midis kodrave dhe maleve që ofrojnë burimet natyrore të ujit të pishinës. Por këtë vit, stafi i pishinës nuk mundi të siguronte 20 mi8jë metra kub (5.3 milion gallonë) ujë të nevojshëm.
Në vitet e kaluara, është dashur gjashtë ditë për të mbushur pishinën, por këtë vit do të duhen më shumë se tre javë për shkak të thatësirës, tha menaxheri Bardh Krasniqi.
“Për shkak të valës së fortë të nxehtësisë që po prek aktualisht vendin dhe gjithashtu rajonin, për fat të keq nuk kemi qenë në gjendje të hapim pishinën më të madhe në vend”, tha Krasniqi.
Ndërsa temperatura pritej të arrinte 35 gradë Celsius (95 gradë Fahrenheit) të enjten, Instituti i Shëndetësisë i nxiti njerëzit të qëndronin larg rrezeve të diellit dhe i paralajmëroi fëmijët, të moshuarit dhe këdo që ishte i sëmurë të qëndronte në shtëpi.
Gjatë valës së të nxehtit të javës së kaluar në Evropë, temperaturat përvëluese arritën deri në 46.6 gradë Celsius (115.9 gradë Fahrenheit) në Mora të Portugalisë. Zjarret në pyje janë të shpeshta në rajon gjatë verave të nxehta dhe të thata.
