Kreu i Origanizatës së Kombeve të Bashkuara, Antonio Guterres paralajmëroi sot se bota është në rrezik të madh. Ai tha se liderët që takohen personalisht për herë të parë në tre vjet duhet të trajtojnë konfliktet dhe katastrofat klimatike, varfërinë dhe pabarazinë – dhe të adresojnë ndarjet midis fuqive të mëdha që është bërë më e thellë që kur Rusia pushtoi Ukrainën.
Në fjalimet dhe vërejtjet që çuan në fillimin e takimit të liderëve të martën, Sekretari i Përgjithshëm, Antonio Guterres përmendi detyrën jo vetëm të shpëtimit të planetit, “i cili është në zjarr”, por edhe të ballafaqimit me Covid-in e vazhdueshëm.
Ai gjithashtu vuri në dukje “mungesën e qasjes në financa për vendet në zhvillim për t’u rikuperuar, një krizë që nuk është parë në një brez” që ka parë humbjen e terrenit për arsimin, shëndetin dhe të drejtat e grave.
Këto deklarata Guterres i bëri në hapjen e mbledhjes vjetore globale të nivelit të lartë të martën. /abcnews.al
