· Bashkimi Europian ka miratuar kërkesën e Ukrainës për t’u bërë një vend kandidat për në BE, një hap që Kievi dhe Brukseli e cilësuan si një “moment historik”.
· Presidenti i Ukrainës, Volodymyr Zelensky, e përshëndeti menjëherë vendimin, duke thënë: “E ardhmja e Ukrainës është në BE”. “Është një fitore… ne kemi pritur për 120 ditë dhe 30 vjet”, shtoi ai, duke iu referuar kohëzgjatjes së luftës dhe dekadave që kur Ukraina u bë e pavarur pas shpërbërjes së Bashkimit Sovjetik. “Dhe tani ne do ta mposhtim armikun.”
· SHBA do të dërgojë 450 milionë dollarë të tjera ndihmë ushtarake në Ukrainë, duke përfshirë disa sisteme shtesë raketash me rreze të mesme.
· Beteja për dy qytete kyçe në Ukrainën lindore po shkon drejt “një kulmi të frikshëm”, ka thënë Oleksiy Arestovych, një këshilltar i presidentit ukrainas. Rusia tani besohet se kontrollon të gjithë Sievierodonetsk me përjashtim të fabrikës kimike Azot.
· Më shumë se 150 vende kulturore në Ukrainë janë shkatërruar pjesërisht ose tërësisht, sipas një raporti të UNESCO-s. Dëmet përfshijnë 70 ndërtesa fetare, 30 ndërtesa historike, 18 qendra kulturore, 15 monumente, 12 muze dhe 7 biblioteka.
· Ukraina po regjistron 200 deri në 300 krime lufte të kryera nga forcat ruse në territorin e saj çdo ditë, ka pohuar prokurorja e përgjithshme. “Krimet e luftës janë problemi ynë. Çdo ditë kemi 200 deri në 300 prej tyre… Ne kemi një detyrë: kur ka një krim, ne duhet të fillojmë një hetim,” tha Iryna Venediktova për televizionin ukrainas.
· Marinës ruse i është dhënë urdhër të vendosë mina në portet e Odesa-s dhe Ochakiv-it dhe tashmë ka minuar lumin Dnieper, si pjesë e një bllokade të eksporteve të grurit ukrainas, sipas inteligjencës amerikane.
Burimi: Guardian
