Kryeministri i Kosovës, Albin Kurti ka kujtuar Betejën e Çabratit ku ranë 22 dëshmorë të Ushtrisë Çlirimtare të Kosovës.
Kurti shkruan se 22 vjet më pas, dëshmorët i kujtojnë me ndjenjën e dhimbjes, pikëllimit e krenarisë por edhe të obligimit për popullin që ata e deshën aq shumë.
“Përgjatë tre ditëve sa zgjatën luftimet në Betejën e Çabratit ranë 22 dëshmorë të UÇK-së, kurse nga data 7 deri më 11 maj 1999 u vranë 107 civilë nga forcat serbe. Në komunën e Gjakovës në luftën e fundit janë vrarë gjithsej 1022 civilë të paarmatosur gjersa janë 361 dëshmorë të UÇK-së nga luftimet e drejtpërdrejta edhe brenda në qytet. 22 vjet më pas i kujtojmë me ndjenjën e dhimbjes, pikëllimit e krenarisë por edhe të obligimit për vendin e popullin tonë që ata e deshën aq shumë”, ka shkruar kryeministri Kurti.
