Presidenti ukrainas Volodymyr Zelensky, ka thënë se Ukraina është e gatshme të takohet me Rusinë për bisedime për armëpushim, raporton “BBC”.
Pa iu përgjigjur drejtpërdrejt ftesës së presidentit rus Vladimir Putin për bisedime në Stamboll më 15 maj, Zelensky tha: “Është shenjë pozitive që rusët më në fund kanë nisur të shqyrtojnë fundin e luftës. Gjithë bota ka qenë duke pritur për një kohë të gjatë. Dhe hapi i parë që vërtetë t’i jepet fund çdo lufte është një armëpushim”.
Zelensky ka thënë se pret që Rusia ta konfirmojë një armëpushim – të plotë, qëndrueshëm dhe besueshëm – duke nisur nga 12 maj dhe se Ukrainë është e gatshme të takohet.
Liderët evropianë gjenden në Kiev për t’u takuar me Zelenskyn dhe po bëjnë thirrje për një armëpushim 30-ditor të pakushtëzuar, duke filluar nga e hëna./Koha.net
