Presidenti ukrainas Volodymyr Zelensky nënshkroi rritjen e parë të taksave në Ukrainë qe nga fillimi i pushtimit rus.
Ndryshimet do të hyjnë në fuqi nga 1 dhjetori dhe taksa e luftës e paguar për të ardhurat personale do të rritet nga 1.5 në 5 për qind.
Qeveria prezanton gjithashtu një taksë lufte për dhjetëra-mijëra sipërmarrës të pavarur dhe biznese të vogla.
Buxheti i ri rrit gjithashtu disa pagesa të qirave, tatohen gjithashtu fitimet e bankave tregtare dhe rrit tatimin mbi fitimet e institucioneve të tjera financiare në 25 për qind.
Ukrainasit shpresojnë të mbledhin rreth 3.4 miliardë dollarë të ardhura shtesë vitin e ardhshëm për të financuar përpjekjet e mbrojtjes duke rritur taksat./gazetaexpress/
