Sot (e hënë) është në program për t’u zhvilluar vetëm një takim në Albi Mall Superligën e Kosovës në kuadër të xhiros së 19-të.
Edicioni pranveror i Superligës së Kosovës filloi të premten me dy takime, ku Drita mposhti Malishevën ndërsa Ballkani triumfoi ndaj Dukagjinit.
Ajo vazhdoi pastaj edhe ditën e shtunë ku në kryeqytet Prishtina luajti baras ndaj Suharekës, ndërsa Gjilani mori tri pikë në Podujevë ndaj Llapit.
Ndërsa gjatë ditës së sotme, do të luhet edhe dueli përmbyllës i kësaj xhiroje mes Ferizajt dhe Feronikelit.
Ky takim nuk u luajt të dielën për shkak të zgjedhjeve parlamentare në Kosovës dhe për këtë arsye do të zhvillohet sot me fillim nga ora 12:00.
Për Ferizajn kjo ndeshje është tejet e rëndësishme pasi synojnë t’i ikin zonës së barazhit me një fitore eventuale, teksa Feronikeli kërkon të arkëtojë më shumë pikë./Telegrafi/
