“Siguria në termocentralin bërthamor të Zaporizhzhia nga Rusia në Ukrainë po përkeqësohet çdo ditë”.
Kështu u shpreh të premten ministri i energjisë i Ukrainës, duke u zotuar të vazhdojë të ushtrojë presion ndaj Rusisë në mbikëqyrjen bërthamore të OKB-së për t’u tërhequr nga lokacioni, shkruan Reuters.
Bordi i Guvernatorëve prej 35 vendesh i Agjencisë Ndërkombëtare të Energjisë Atomike miratoi një rezolutë të enjten duke dënuar pushtimin nga Rusia të termocentralit më të madh bërthamor në Evropë dhe duke shprehur “shqetësim të madh” për mungesën e personelit dhe mirëmbajtjes dy vjet pas kapjes së tij. /abcnews.al
