Platforma e udhëtimit Uber është gjobitur me 290 milionë euro (324 milionë dollarë) në Holandë për dërgimin e të dhënave personale të taksistëve evropianë në Shtetet e Bashkuara në kundërshtim me rregullat e BE-së, tha të hënën mbikëqyrësi holandez për mbrojtjen e të dhënave DPA.
Uber e ka ndaluar praktikën, shtoi DPA.
“Ky vendim me të meta dhe gjobë e jashtëzakonshme janë krejtësisht të pajustifikuara. Procesi i transferimit ndërkufitar të të dhënave të Uber ishte në përputhje me GDPR gjatë një periudhe 3-vjeçare me pasiguri të madhe midis BE-së dhe SHBA-së. Ne do të apelojmë dhe do të mbetemi të sigurt se do të mbizotërojë sensi i përbashkët.” Zëdhënësi i Uber, Caspar Nixon i tha Reuters në një email./reuters/
