Sekretari amerikan i Shtetit Antony Blinken tha se mënyra më e mirë që njerëzit të kthehen në shtëpitë e tyre në Libanin jugor dhe në veri të Izraelit nuk është lufta, por përmes “diplomacisë”.
“Ne jemi të fokusuar tani për t’u siguruar që ne mund të de-përshkallëzojmë, të shmangim një luftë në shkallë të plotë,” tha Blinken.
Blinken u pyet gjithashtu për negociatat e vazhdueshme të armëpushimit midis Hamasit dhe Izraelit dhe tha se ndërsa ka një marrëveshje, Hamasi nuk ka qenë i angazhuar në bisedime javët e fundit.
“Kjo ende kërkon vendime të vështira nga ana e Izraelit, por është mënyra më e mirë për të ndaluar atë që po ndodh në Gaza, për të liruar pengjet,” tha ai. /abcnews.al
