Teknologjia VAR mund të ketë fuqi edhe më të mëdha në të ardhmen se sa ka deri tani, pasi u bë një propozim interesant për të futur ndryshime të rëndësishme për të rritur rregullsinë e ndeshjeve të futbollit.
Sipas propozimit të ri, gjyqtarët do të lejohen të shikojnë pamjet kur marrin vendime për goditjet e lira, këndore dhe kartonë të tjerë të verdhë, të cilët do të zgjasin më tej ndeshjet.
Për shkak të kontrolleve të VAR-it, ndeshjet aktualisht po zgjasin mjaft, kështu që ndeshjet në Botërorin e Katarit u zgjatën me dhjetë minuta shtesë, por i gjithë ky është çmimi i rregullsisë së garës.
Deri më tani, golat, pozicionet jashtë loje dhe faullet mund të kontrolloheshin për karton të kuq direkt dhe pas këtij propozimi gjyqtarët e VAR-it do të kenë edhe më shumë punë.
Informacioni rreth këtij propozimi u raportua nga gazeta britanike Times dhe mbetet për t’u parë nëse ky propozim do të miratohet realisht.
/Telegrafi/
