Gruaja më e gjatë dhe ajo më e shkurtë në botë u takuan për herë të parë për të pirë çajin e pasdites në festimin e përvjetorit të 20-të të Rekordeve Botërore Guinness.
Rumeysa Gelgi, gruaja më e gjatë dhe Jyoti Amge, më e shkurtra, shkëmbyen histori dhe përvoja të jetës nga dy këndvështrime shumë të ndryshme, raporton “Gray News”, transmeton Klankosova.tv.
“Ishte kaq e mahnitshme takimi me Jyotin për herë të parë. Ishte e vështirë për ne të bënim kontakt me sy nganjëherë për shkak të ndryshimit të gjatësisë, por ishte e shkëlqyeshme”, tha Gelgi.
Ajo shtoi se të dyja gratë kanë gjëra të përbashkëta si dashuria e tyre për grimin, kujdesin për veten dhe rregullimin e thonjve.
Amge është vetëm 62.7 cm e gjatë, ndërsa Gelgi është 2.15 m e gjatë.
“Jam mësuar të shikoj lart dhe të shoh njerëz më të gjatë se unë, por isha shumë e lumtur sot që kur ngrita kokën lart pashë gruan më të gjatë në botë”, tha Amge. /Klankosova.tv
