Ismail Syla, këshilltari i ish-Presidentit Hashim Thaqi, ka njoftuar se sot e ka vizituar Thaqin në Hagë.
Përmes një statusi në Facebook, Syla ka thënë se fuqia morale e Thaqit ishte e lartë.
Siç ka njoftuar Syla, bashkë kanë biseduar për gjithçka përveç burgut.
“Nga aty shihet edhe një dimension tjetër i lirisë së Kosovës, çmimi i çlirimit të saj dhe bërja e shtetit të Kosovës”, ka shkruar Syla.
Ky është postimi i plotë i tij:
“Sot e vizitova Presidentin Thaçi në Hagë dhe u ndjeva mirë me fuqinë e lartë morale të tij. Ndonëse, mbahet padrejtësisht dhe pa faj në paraburgim, biseduam për të gjitha temat jetësore, përpos burgut. Nga aty shihet edhe një dimension tjetër i lirisë së Kosovës, çmimi i çlirimit të saj dhe bërja e shtetit të Kosovës. Shpreh bindjen dhe sigurinë që Presidenti Thaçi, ashtu siç doli faqebardhë në të gjitha fazat historike të Kosovës, do të del ngadhënjimëtar edhe përballë kësaj sfide!” – përfundoi Syla.
/Indeksonline/
