Sot luhet miqësorja mes Kosovës dhe Maltës

Përfaqësuesja e Kosovës do të luajë sot (e premte) miqësoren e dytë të muajit qershor, pasi do të ndeshet me Përfaqësuesen e Maltës.

Disa ditë pas fitores ndaj San Marinos në Prishtinë, djelmoshat e Bernard Challandes zhvillojnë miqësoren e radhës.

Sot (e premte), Dardanët e kanë në orar ndeshjen ndaj Maltës me fillim nga ora 18:00, ndërsa është e treta në përgjithësi mes dy vendeve.

Kjo ndeshje është e paraparë të zhvillohet në ‘Worthersee Stadion’ të Klagenfurt në Austri.

Ndeshja e fundit e zhvilluar mes dy vendeve ka përfunduar me fitoren e thellë 5-0 të Kosovës në kuadër të Ligës së Kombeve. /Telegrafi/

Read Previous

Ethereum thyen rekorde të shumta

Read Next

Prodhohet plehu i parë kristalin “Made in Albania”