Kriza në Ukrainë, pas aneksimit të dy rajoneve të saj nga Rusia, do të ketë impakt direkt në ekonominë evropiane. Ukraina po ashtu prodhon 14% të grurit në botë dhe kjo situatë ka krijuar panikë edhe tek kosovarët të cilët po ja mësyjnë fabrikave të miellit për tu furnizuar nga frika se do të mbeten pa grurë.Kështu na njoftuan nga fabrika e miellit “Hasi” në Gjakovë. Pronari i kësaj fabrike thotë që njerëzit nuk duhet të krijojnë panikë pasi që aktualisht miell ka mjaftueshëm.
Ndonëse situata aktuale nuk është alarmante mullistët nuk kanë mohuar se mund të ketë rritje të çmimit të grurit e që më pas do të qojë edhe në rritje të cmimit të miellit, dhe bukës.
Ndërsa për të shuar shqetësimet e qytetarëve, ministri i Financave Hekuran Murati dhe ministrja e Ekonomisë Rozeta Hajdari kanë dalë në në konferencë për media ditë më parë.
Kjo e fundit ka thënë që “Në takim me mullisët është siguruar që Kosova ka miell edhe për tre deri në gjashtë muaj.
