SHBA, treni del nga shinat, tre të vdekur dhe dhjetëra të plagosur (VIDEO)

Të paktën tre persona humbën jetën dhe disa të tjerë u plagosën kur një tren pasagjerësh Amtrak doli nga shinat në shtetin verior dhe qendror të Montana të shtunën, tha një zyrtar i Zyrës së Sherifit të Qarkut Liberty.

Treni po lidhte Seattle-in me Çikagon dhe mbante 147 pasagjerë dhe 13 anëtarë të ekuipazhit kur pesë lokomotiva dolën nga shinat pranë qytetit të Joplin, Montana, rreth orës 16:00.

Sipas oficerit të policisë, i cili foli në kushte anonimiteti, pasagjerët të cilët ishin bllokuar në vagonët e dalë nga shinat arritën të dilnin. Numri i të plagosurve nuk është ende i saktë, shtoi ai.

Megjithatë, koordinatori i katastrofës dhe shërbimeve të urgjencës në Montana i tha The New York Times se të plagosurit ishin “mbi pesëdhjetë”, raporton abcnews.

Ndërkohë, nuk dihen ende shkaqet e aksidentit./Gazetasinajli