Kremlini ka thënë të hënën se po monitoron nga afër atë që e quajti një situatë “potencialisht të rrezikshme” në Kosovë, ku persona të armatosur serbë vranë një polic në Banjskë të Zveçanit.
Rusia nuk e njeh Kosovën, me shumicë shqiptare etnike, si një vend të pavarur dhe tradicionalisht mbështet Serbinë, me të cilën ka lidhje të ngushta fetare dhe kulturore, shkruan Reuters.
“Situata është jashtëzakonisht e vështirë. Për Kosovën, ne shohim një qëndrim tradicionalisht të njëanshëm ndaj serbëve… Situata është shumë, shumë e tensionuar dhe potencialisht e rrezikshme, ne po e monitorojmë atë shumë nga afër”, tha zëdhënësi i Kremlinit Dmitry Peskov në një konferencë të rregullt për shtyp. .
Njësitet policore kosovare rimorën manastirin të dielën vonë pasi tre sulmues dhe një polic u vranë.
/klankosova/
