Arsenali ka humbur ndeshjen e parë gjysmëfinale nga Paris Saint Germain me rezultat 0-1 në Emirates Stadium.
Topçinjtë nuk ishin në element dhe nuk arritën të barazonin përkundër përpjekjeve të mëdha që bënë.
Legjenda e Anglisë, Wayne Rooney ka thënë se ka mbetur i zhgënjyer edhe me tifozët e Arsenalit, të cilët nuk e shtynë në asnjë moment ekipin për të bërë më mirë njësoj siç bënë ndaj Real Madridit.
“Për Arsenalin, isha pak i zhgënjyer me mënyrën se si luajtën, i zhgënjyer edhe me tifozët. Tifozët kundër Real Madridit e shtynë vërtet ekipin. Mendova se sonte ishin pak të përmbajtur”, tha Rooney.
Pavarësisht kësaj pengese, Rooney shpreson që Arsenali të mund të kalojë në finale dhe ta fitoj Ligën e Kampionëve.
“Shpresoj që Arsenali të vazhdojë dhe ta fitojë garën, por ata duhet të hyjnë në ndeshjen e dytë me besim. Ata duhet të jenë të duruar, ta ngadalësojnë lojën, ta marrin topin në kohën e duhur dhe të jenë seriozë”, deklaroi Rooney. /Telegrafi/
