Korporata Energjetike e Kosovës (KEK) ka bërë të ditur se pas një angazhimi maksimal të ekspertëve, menaxhmentit dhe gjithë punonjësve të korporatës sot ka përfunduar remonti i rregullt në njësinë prodhuese B2.
Sipas KEK-ut, kjo njësi tashmë është duke prodhuar rreth 260 MW/h.
Bëhet e ditur se mëngjesin e sotëm ka përfunduar edhe sanimi i rrjedhjeve të ujit në njësinë A3, e cila është kthyer në prodhim me kapacitet prej rreth 130 MW/h.
“Korporata Energjetike e Kosovës iu siguron që do të vazhdojë me përkushtim t’i përfundojë edhe remontet e rregullta në njësitë tjera komfor planit në mënyrë që deri në fillim të sezonit dimëror të operojë me dy njësi të TC-A dhe dy njësi të TC-B me kapacitet prej rreth 800 MW/h”, thuhet në njoftim.
/KosovaPress/
