Rusia pësoi më shumë se 10,000 viktima brenda një jave, sipas statistikave nga ushtria ukrainase, me sezonin e dimrit që po afrohet me shpejtësi dhe që nuk ka gjasa të sjellë qetësi në numrin e lartë të luftëtarëve të vrarë dhe të plagosur në konfliktin e rëndë.
Moska ka pësuar gjithsej 690,720 viktima që nga shkurti i vitit 2022, tha të hënën Shtabi i Përgjithshëm i Ukrainës. Kjo përfshin 1,680 luftëtarë të vrarë ose plagosur në 24 orët e fundit, sipas Kievit, shkruan Newsweek
Megjithatë, Newsweek shkruan se nuk mundi të verifikonte në mënyrë të pavarur këto shifra.
Numri i viktimave dhe humbjet në fushën e betejës “diskutohen” gjatë konflikteve aktive dhe ekspertët kërkojnë kujdes kur merren parasysh të dhënat e ofruara nga secila palë në një luftë.Moska dhe Kievi shumë rrallë flasin për numrin e tyre të viktimave. Megjithatë, Wall Street Journal raportoi në mesin e shtatorit se numri i përgjithshëm i viktimave për forcat ukrainase dhe ruse kishte arritur afërsisht 1 milion./abcnews.al
