Presidenca çeke ka konfirmuar se propozimi për liberalizimin e vizave për Kosovën, i cili parasheh lëvizjen e lirë jo më larg se data 1 janar e vitit 2024 është hequr nga agjenda e takimit të sotëm të ambasadorëve të vendeve anëtare të BE-së.
Presidenca çeke megjithatë thekson se çështja e vizave mbetet lartë në agjendën e saj, derisa bën thirrj që të ulen tensionet.
“Meqë e shohim interesimin dhe kërkesat tuaja për procedurat e mëtutjeshme me liberalizimin e vizave, me këtë dërgojmë shpjegimin tonë të shkurtër për situatën aktuale. Tema u hoq nga rendi i ditës së COREPER (Ambasadorëve) sot.
Megjithatë, Presidenca Çeke e mban Ballkanin Perëndimor lart në agjendën e saj, veçanërisht tani përpara Samitit BE-Ballkani Perëndimor. Çështja e liberalizimit të vizave për Kosovën është në procedurë të brendshme të Këshillit.
Bëjmë thirrje për një deskalim të menjëhershëm të situatës aktuale në Kosovë në lidhje me targat e veturave”, thuhet në përgjigjen e Presidencës çeke.
/Telegrafi/
