Policia e Kosovës po vazhdon të dënoi qytetarët që nuk po respektojnë rregullat e komunikacionit.
Në Prizren, Policia ka dënuar një qytetar që me veturën e tij ka bërë tejkalim në vijë të plotë.
Vozitësi u dënua me gjobë 150 euro dhe leja i është konfiskuar për 3 muaj.
Fotografinë e tejkalimit Policia e mori nga qytetarët që ia dërguan në aplikacionin “Lajmëro Policinë”.
Policia e Kosovës në postimin e bërë ka treguar motën si motivim për qytetarët që të respektojnë rregullat e trafikut.
“Më mirë te vonohemi një minutë në jetë, se sa të humbim jetën për një minutë”, kjo është motoja e Policisë./Indeksonline/
