Është djegur një lokal në rrugën “Luan Haradinaj” në Prishtinë.
Zjarri shpërtheu këtë hënë rreth orës 13:00.
Aty kanë dalë zjarrfikësit dhe policia. Ndërsa, policia nuk ka dhënë ende detaje se si ndodhi e gjithë kjo.
Zëdhënësja e Policisë së Kosovës për Rajonin e Prishtinës, Flora Ahmeti ka thënë për KosovaPress se detajet rreth djegies së lokalit do të bëhen të ditura më pas.
“Rreth orës 13:00, është pranuar informata për zjarr në një lokal në rrugën ‘Luan Haradinaj’, në Prishtinë. Policia menjëherë ka dalë në vendin e ngjarjes po ashtu edhe zjarrfikësit të cilët janë duke bërë përpjekje për të lokalizuar zjarrin në atë pjesë. Për detaje të tjera do të njoftoheni me kohë”, tha Ahmeti.
