Përmbytje të papritura në Nigeri qendrore kanë shkaktuar të paktën 115 viktima, ndërsa numri i të vdekurve pritet të rritet pasi operacionet e kërkim-shpëtimit vazhdojnë.
Përmbytjet ndodhën më 28 maj 2025 në qytetin tregtar të Mokwa, në shtetin Niger, pas reshjeve të shumta që filluan para agimit.
Rreth 3000 shtëpi janë përmbytur, dhe më shumë se 100 deri në 800 persona konsiderohen të zhdukur ndërsa 45 të tjerë janë lënduar.
Shkaku i përmbytjeve ishte një kombinim i reshjeve të dendura dhe shembjes së një dige afër qytetit, raporton france24.
Kjo ka çuar në shkatërrimin e infrastrukturës, përfshirë rrugët dhe urat, duke vështirësuar operacionet e shpëtimit dhe ndihmën për të prekurit.
Ky incident është pjesë e një vale përmbytjesh që ka goditur disa shtete të Nigerisë, duke përfshirë Borno dhe Kwara, dhe që është përkeqësuar nga ndryshimet klimatike dhe menaxhimi i dobët i ujërave.
Autoritetet lokale po punojnë për të ofruar ndihmë emergjente dhe për të rindërtuar jetesën e atyre që u preken. /Telegrafi/
