Në të gjitha shkollat e mesme të larta të komunës së Gjakovës ka përfunduar regjistrimi i nxënësve në klasët e dhjeta. Ne vizituam sot Shkollën e mesme të ekonomisë “Kadri Kusari” për të kuptuar se a është plotësuar numri i nxënësve që janë planifikuar të regjistrohen për vitin e ri shkollor.
Drejtimet në këtë shkollë janë ekonomi, juridik, bujqësi, teknologji ushqimore, hoteleri-turizëm.
Afati i dytë për regjistrim do të fillojë në muajin gusht por që ende nuk dihet në cilat data, ndërsa shkolla e mesme private Qendra për Aftësim dhe Këshillim Profesional “Gjon Nikollë Kazazi” konkursin do ta mbajë të hapur deri me datë 16 korrik.
