Mosmarrëveshja mes Kylian Mbappe-s dhe Paris Saint-Germain-it, që e sheh klubin dy herë të dënuar për të njohur 55 milionë eurot e prapambetura ndaj ish-yllit të tij, mund të ketë pasoja të pakëndshme për parizienët.
Siç raportohet nga gazeta spanjolle “AS”, PSG-ja mund të goditet nga një sanksion nga LFP (Liga Profesionale e Futbollit në Francë) më 11 dhjetor . Në fakt, për atë ditë janë planifikuar bisedime mes avokatëve të klubit dhe atyre të Mbappe-s.
Edhe pse komisioni nuk ka fuqinë për të urdhëruar pagesën e këtyre shumave, megjithatë mund të vendosë sanksione ndaj klubit. Këto përfshijnë mundësinë që LFP-ja të vendosë një ndalim transferimi për PSG-në, një penalitet në renditje ose një gjobë të mëtejshme.
Kjo rrugë do të bëhej reale nëse Mbappe do të arrinte fitoren e tretë radhazi në këtë mosmarrëveshje me ish-skuadrën e tij.
Pikërisht për shkak të mospagesës, pavarësisht se dy gjykata vendosën në favor të lojtarit, Mbappe vendosi t’i drejtohej komisionit disiplinor të LFP-së. Një opsion që u konkretizua pasi Federata Franceze e Futbollit refuzoi apelin e paraqitur nga PSG-ja pas dënimit për të paguar 55 milionë euro, përfshirë pagat e prapambetura dhe shpërblimet, që i detyrohen numrit aktual “9” të Real Madrid-it.
Siç u përmend, çështja do të shqyrtohet në komision më 11 dhjetor, kur përfaqësuesit ligjorë të lojtarit dhe ata të PSG-së do të duhet të paraqesin argumentet e tyre përkatëse.
Për momentin pritet të përjashtohet një marrëveshje mes palëve, duke qenë se marrëdhënia mes Mbappe-s dhe Nasser Al-Khelaifi-t është ndërprerë prej disa kohësh. /Albanianpost.com
