Sipas tyre kjo gjendje është që një kohë të gjatë. E mungesa e kapakëve të pusetave zakonisht vjen si pasojë e vjedhjes së tyre. E pikërisht për këtë qështje me datë 25 mars kemi dërguar e-mail në zyrën e informimit të policisë së Kosovës rajoni në Gjakovë, e po ashtu kemi kontaktuar me njësitin e hetimeve për të kuptuar se sa kapakë të pusetave janë vjedhur prej muajit janar deri në ditë e sotme. Përmes e-mail-it zyrtar nga Zyra e Informimit kanë thënë që nuk ka pasur asnjë rast të vjedhjes së kapakëve të pusetave gjatë kësaj periudhe.
Kjo nuk është rruga e vetme në Gjakovë ku ka mungesë të kapakëve të pusetave. Nga institucionet përgjegjëse komunale vazhdimisht thuhet se këta kapakë vidhen dhe zëvendësimi i tyre kërkon kohë dhe procedura të cilat zgjasin deri në zgjidhjen e problemit për banorët, por që vjedhja bëhet në mënyrë të përsëritshme për vite të tëra.
