Me rastin e 23 vjetorit të rënies së heroit kombëtar Naser Brahimaj sot u bënë homazhe në fshatin Shqiponjë. Homazhet u mbajtën në Kompleksin Memorial të Dëshmorëve. Të pranishëm ishin shumë bashkëluftëtarë, familjarë si dhe përfaqësues të shoqatave të dala nga lufta e fundit në Kosovë.
Naser Brahimaj ka qenë komandant i Batalionit të tretë 132 “Myrtë Zeneli”.
E bashkëluftëtarët në 23 vjetorin e rënies së tij treguan për kontributin e angazhimin gjatë luftës.
Ndërkaq djali i heroit Naser Brahimaj tha se në këtë përvjetor ndihet krenar për të atin.
Kontributi i bijëve që dhanë jetën për liri, është pasqyrimi më i mirë i luftës së pastër të UÇK-së dhe se vlerat e luftës duhen mbrojtur, u tha mes tjerash në këtë rast.
