Ministri në detyrë i Financave, Hekuran Murati ka njoftuar se Kosova pranon 95.5 milionë euro financim për mbështetje buxhetore nga Fondi Monetar Ndërkombëtar.
Murati e ka quajtur këtë si lajm të mirë.
“Kjo vjen si rezultat i përmbylljes me sukses të programit dyvjeçar me FMN-në, Stand-By Arrangement, në kuadër të të cilit janë paraparë reforma të nevojshme në financat publike, dhe ruajtja e qëndrueshmërisë fiskale”, ka pohuar Murati përmes një postimi në Facebook.
Murati ka shkruar se Qeveria mbetet e përkushtuar për rritje të qëndrueshme ekonomike, krijim të vendeve të reja të punës, rritje të mirëqenies së familjeve, dhe ruajtje të qëndrueshmërisë financiare të vendit. /Telegrafi/
