Bashkimi Evropian duhet ta bëjë një plan më ambicioz për rikuperim nga pasojat e Covid-19, ka thënë ministri francez për Çështje Evropiane, Clement Beaune.
Sipas tij, ky plan duhet të jetë më i mirë se ai i verës së kaluar në vlerë prej 750 miliardë euro, që ishte masë stimuluese për të tejkaluar valën e parë të koronavirusit.
Beaune ka thënë se Evropa nuk duhet t’i përsërisë gabimet që ka bërë pas krizës globale financiare një dekadë më parë. Ai ka thënë se këtë radhë, BE-ja duhet ta mbështesë rikuperimin me investime.
I pyetur gjatë një interviste se çka nevojitet të bëhet në këtë drejtim ai ka thënë se “padyshim, dyfishi i fondit ekzistues për rikuperim”.
