Me një minutë heshtje në nderim të 24 vjetorit të Epopesë së UÇK-së dhe me një urim për 7 Marsin – Ditën e Mësuesit, ka filluar mbledhja e dytë për këtë vit e Kuvendit të Komunës së Gjakovës.
Në këtë mbledhje është shqyrtuar procesverbali nga mbledhja e kaluar si dhe anëtarët e Kuvendit kanë parashtruar pyetje për ekzekutivin.
Me propozim të Kryetarit Gjini, anëtarët votuan pro mbështetjes financiare në vlerë prej 20 mijë euro për shoqatën “Handikos”. Gjithashtu kaluan pikat si themelimi i Komisionit për Siguri në Bashkësi, Komisionit për rekrutimin e drejtorëve dhe zëvendësdrejtorëve në shkollat e komunës si dhe Komisionit për plotësim-ndryshimin e rregullores së punës së Kuvendit të Komunës.
Ndërkaq, nga Udhëheqësi i Zyrës së Prokurimit, Faton Gutaj, është prezantuar raporti i punës së kësaj zyre për vitin 2021.
Më pas Drejtoresha për Shëndetësi dhe Mirëqenie Sociale, Adelina Shehu Kola, ka prezantuar planin vjetor 2022.
Gjatë kësaj mbledhje kishte edhe diskutime të ndryshme rreth shqetësimeve të qytetarëve.
