Të paktën tri raketa u shkrepën sot nga Libani jugor drejt Izraelit, thanë zyrtarët libanezë të sigurisë.
Nuk është e qartë se kush është përgjegjës për sulmin ose ku ranë raketat, thuhet sipas zyrtarëve.
Shkrepja e raketave kërcënoi të hapte një front të ri në luftimet e përshkallëzuara midis Izraelit dhe grupit militant palestinez Hamas në Gaza, raporton AP, transmeton Klan Kosova.
Forcat e Mbrojtjes së Izraelit (IDF) në një postim në Twitter konfirmuan se tri raketa u qëlluan nga Libani në brigjet e Izraelit verior.
“Pak më parë, tri raketa u qëlluan nga Libani në Detin Mesdhe në brigjet e Galilesë”, tha ushtria e Izraelit në një deklaratë.
“Sipas protokollit nuk u dëgjuan sirena”- një aludim ndaj mbrojtjes ajrore izraelite që injorojnë raketat e vendosura për të goditur zonat e pabanuara.
