Kosova ka shënuar progres të ndjeshëm në Indeksin e Perceptimit të Korrupsionit të Transparency International, duke u ngritur për 10 vende në krahasim me vitin e kaluar. Sipas kryeministrit Albin Kurti, ky është një nga rezultatet më të mira të arritura ndonjëherë nga vendi në këtë indeks ndërkombëtar.
Kurti ka theksuar se lufta kundër krimit të organizuar dhe korrupsionit po jep rezultate konkrete dhe po merr njohje ndërkombëtare.
“Lufta jonë kundër krimit të organizuar dhe korrupsionit vijon të japë rezultat e të marrë njohje e vlerësime ndërkombëtarisht. Ky është rankimi më i mirë (73/180) dhe vlerësimi më i lartë (44/100) ndonjëherë për vendin tonë në këtë indeks ndërkombëtar.” – tha Kurti.
Sipas tij, përmirësimi në këtë indeks jo vetëm që forcon shtetin dhe përfiton qytetarët, por edhe ndikon pozitivisht në imazhin ndërkombëtar të Kosovës. /tvsyrivision/
