Kryetari i Kuvendit të Kosovës, Glauk Konjufca, ka uruar Donald Trump për fitoren e tij në krye të Shteteve të Bashkuara të Amerikës.
Në një postim në Facebook, ai ka thënë se mezi pret të bashkëpunojë me administratën e re amerikane.
Sipas tij, për të thelluar edhe më tutje raportet e shkëlqyera mes Kosovës dhe ShBA-së.
“ShBA-ja është kryealeati ynë, me të cilin ndajmë vlerat, synimet dhe interesat, të cilat jam i bindur se do t’i shtyjmë përpara edhe më tutje gjatë mandatit të presidentit Trump”, ka thënë Konjufca. /Klankosova.tv
