Burime të sigurta kanë bërë me dije se Njësia për Hetimin e Krimeve Ekonomike dhe Kundër Korrupsionit ka ndërmarrë një aksion bastisjeje në Gjakovë, konkretisht ndaj drejtorit të Qendrës së Patentë-Shoferëve.
Bastisjet po zhvillohen në lokacione të ndryshme dhe dyshimet e para lidhen me keqpërdorime të mundshme në procesin e pajisjes me patentë shofer. Hetimet janë ende në fazë aktive.
Lajmi tashmë është konfirmuar edhe nga Policia e Kosovës përmes një komunikate zyrtare, ku thuhet:
“Sot më 29.05.2025 në orët e hershme të mëngjesit, Policia e Kosovës, Sektori për Hetimin e Korrupsionit (DHKEK), me urdhër të Gjykatës kompetente është duke zhvilluar kontrolle në disa lokacione në tri rajone policore: Gjakovë, Gjilan dhe Prishtinë. Për detaje shtesë mund të informoheni pas përfundimit të operacionit.”
TV Syri do të ju mbajë të informuar për çdo të re nga ky aksion. /tvsyrivision/
