Emri i Jesé Rodriguez u lidh me Eldense gjatë merkatos. Klubi i Segunda Division kishte marrë një ofertë nga agjentët e tij për sezonin aktual. Ish-sulmuesi spanjoll i Real Madridit dhe Paris Saint-Germain është ende në kërkim të një mundësie për t’u rikthyer në lojë dhe po pret një telefonatë si lojtar i lirë. Pas eksperiencës së pasuksesshme me Sampdorian në sezonin 2022-2023, që përfundoi me rënien e Blucerchiat-it në Serinë B, ai veshi fanellën e Coritibës, ku për fat të keq përjetoi një tjetër rënie në serinë e dytë braziliane.
Refuzimi nga Eldense
Lojtari iu ofrua skuadrës së Dani Ponz për të forcuar sulmin. Megjithatë, Eldense, pasi fillimisht shqyrtoi mundësinë e nënshkrimit me të për sezonin aktual, vendosi të refuzojë propozimin për shkak të dyshimeve të forta rreth formës së lojtarit, i cili ka qenë larg qendrës së vëmendjes së futbollit për një kohë të gjatë.
Fjalët e drejtorit sportiv
Drejtori sportiv i klubit spanjoll, Manu Guill, sqaroi situatën gjatë seancës së fundit të negociatave: “Është e vërtetë që u ofrua – pranoi ai – por ky opsion u përjashtua sepse nuk ishte i praktikueshëm. Jesé nuk është më ai që ishte te Real Madrid apo Paris Saint-Germain.” /Telesport.al/
