Fëmijët qeshin ndërsa të rinjtë ndezin telefonat inteligjentë për të filmuar robotë që mbajnë pjata me ushqime të sapopërgatitura në tabakatë e tyre të brendshme për t’ua shpërndarë darkuesve në një restorant të ngarkuar në kryeqytetin e Kenias.
Nairobi ka një industri të gjallë teknologjike me startup-e dhe inovacione të ndryshme në funksionim dhe e ka pozicionuar veten si një qendër teknologjike në rajonin e Afrikës Lindore që mban pseudonimin The Silicone Savanna.
Kjo është Robot Cafe, që besohet të jetë e para e këtij lloji në Nairobi dhe Afrikën Lindore, ku tre robotë rrëshqasin mes kamarierëve njerëzorë që shërbejnë ushqim për klientët e hipnotizuar.
Këta robotë të programuar paraprakisht u blenë për argëtim. Pronari i kafenesë, Mohammed Abbas, thotë se ka përjetuar shërbimin e robotëve në vendet aziatike dhe evropiane dhe ka vendosur të investojë në to.
“Ishte shumë e kushtueshme importimi i robotëve”, thotë ai, por shton se investimi ka dhënë fryt, sepse restoranti është “shpesh i zënë me klientë kureshtarë” që vijnë për të përjetuar shërbimin e robotëve.
Një klient, Packson Chege, merr një pjatë me patate të skuqura nga tabakaja e robotit ndërsa miku i tij filmon përvojën nëpër tavolinë.
“Mund të them se është diçka unike sepse këtu në vendin tonë Kenia, nuk kam parë kurrë një restorant si ky, kështu që mendoj për mua, është një ide e mirë nga pronari i këtij restoranti,” tha ai./AP/
