Ish-drejtori i Romës i bindur: Zëvendësuesi i Brozovic është Asllani dhe jo Fratessi

Një nga transferimet e Inter në këtë merkato verore ishte Davide Fratessi që kaloi në Milanon zikaltër nga Sassuolo.

I cilësuar si një nga talentet italianë më të spikatur sa i takon reaprtit të mesfushës, Fratessi u konsiderua shpejt si pasuesi ideal i Marcelo Brozovic që u largua për në Arabinë Saudite te skuadra e Al-Nassr. Megjithatë, është ish-drejtori sportiv i Romës, Gianluca Petrachi i cili i jep një mesazh trajnerit Simone Inzaghi duke u shprehur se pasuesi i kroatit në fushës është Kristjan Asllani dhe jo Fratessi.

“Fratessi është një mesfushor i zoti, bashkë me Barellën prezantojnë futbollin e bukur të Italisë. Janë lojtarë të cilët çdo trajnerë i pranon me kënaqësi në organikë, bëhet fjalë për një futbollist të brezit të ri.

Fratessi është nga ata lojtarë që bën punë në të dyja fazat e lojës, por kush thotë që është blerë për të zëvendësuar Brozovic gabon rëndë dhe nuk merr vesh nga futbolli. Janë dy lojtarë të ndryshëm dhe zëvendësuesi i Brozovic te Inter është Asllani. Dhe Asllani e bën shumë mirë atë rol sepse është një lojtar me shumë kualitet”, u shpreh Petrachi. /Supersport.al/

Read Previous

Threads mbi 100 milionë përdorues: Por, sa po e përdorin vërtet aplikacionin?

Read Next

Pse Pentagoni do detyrohet të zbulojë gjithçka që di për UFO-t në 300 ditët e ardhshme?