Gian Piero Gasperini, trajneri i Atalantës, analizoi në “Sky Sport” humbjen 2-0 në finalen e Superkupës së Europës kundër Real Madridit: “Kisha mjaft besim se mund ta vinim Realin në vështirësi edhe në lojë.
Ndeshja ka ndryshuar veçanërisht pas golit të dytë, i cili ishte i shmangshëm. Më pas ata e merituan fitoren. Në pjesën e parë na ndaloi një pritje e madhe e Courtois, shpërdoruam edhe një tjetër mundësi me Lookman, pastaj u bë e vështirë. Është e pamundur të mos ekspozohesh ndaj kundërsulmeve të madrilenëve, na ndodhi edhe ne”.
Çfarë ju ka mbetur nga kjo ndeshje?
Ne humbëm një mundësi të mirë me mënyrën se si po shkonte ndeshja. Kishim mundësinë për të marrë epërsinë në rezultat, çka është thelbësore. Duhej të ishim më cinikë dhe cilësorë. Është ende një përvojë e mrekullueshme, por vlen më shumë kur fiton.
Më shumë i zemëruar sesa krenar?
Jo, jo, jam shumë krenar, por gjithmonë na mungon një presje, e vendosëm në Dublin dhe sonte mund të kishim ndjekur të njëjtën rrugë. Më vjen keq për djemtë, sepse të fitosh një ndeshje si kjo ndodh shumë rrallë.
Çfarë i keni thënë njëri-tjetrit me Ancelottin?
Kam një marrëdhënie të shkëlqyer me Carlon, folëm pak pas ndeshjes. Do të kemi mundësinë të flasim sërish për futbollin.
Çfarë prisni nga tani deri më 30 gusht?
Le të pushojmë sonte, ka kohë për të menduar për 30 gushtin. Kampionati fillon të hënën për ne dhe ne e dimë se është një histori krejtësisht tjetër. Kolasinac është i lënduar për momentin, duhet të shohim se si t’i rikuperojmë të gjithë. /Telesport.al/
