Mikel Arteta këmbëngul se Arsenali nuk ka nevojë për t’u shqetësuar pavarësisht humbjes 1-0 ndaj Interit në Ligën e Kampionëve.
Topçinjtë janë gjithashtu pa fitore në tre ndeshjet e fundit në Premier League.
“Sigurisht që me numrin e rasteve që krijuam ne duhet të kishim shënuar dhe kjo varet nga ne,” pranoi Arteta.
“Sidoqoftë mënyra se si luajti skuadra, ishte e mirë. Niveli i intensitetit, niveli i cilësisë, si arritëm në kuadrat dhe si dominuam një ekip që është një nga më të mirët në Evropë në stadiumin e tyre.
“Jam shumë krenar për skuadrën time, nëse luajmë kundër Chelseat si kundër Interit, ne mund të fitojmë”, përfundoi ai. /GazetaBlic Sport
