Ambasadori amerikan, Jeff Hovenier mori sot pjesë në hapje të konferencës për siguri kibernetike ”Cyber Zero”, së bashku me kryeministrin Albin Kurti.
Me këtë rast, Hovenier tha se të gjithë të pranishmit sjellin diversitet dhe aftësi unike. Ai theksoi se janë të përkushtuar që ta ndihmojnë rininë e Kosovës.
“Shpresojmë që liria e fjalës dhe liria e shprehjes si të drejta themelore, që ato janë të nevojshme për avancimin e demokracisë, shtetit të së drejtës dhe prosperitetit ekonomik. Ne jemi të përkushtuar që ta mbështesim Kosovën dhe të përfitojmë nga resurset më të mëdha të saj, rininë e saj”, deklaroi ai.
/GazetaSinjali/
